Lucía López Marco presenta el viernes 23 de diciembre de 2022, a partir de las 19 horas en La Pantera Rossa de Zaragoza, su poemario 'Cuan plegue o colapso' (Gara d'Edizions), ganador del Premio Arnal Cavero 2022.

Acompañarán a la autora el editor Chusé Aragüés y el Director General de Política Linguística José Ignacio López Susín.

O premio, que leva o nombre d’o escritor y mayestro altoaragonés Pedro Arnal Cavero y que ye dotau con 3.000 euros, asinas como con a publicazión d’a obra, tiene por obcheto premiar una obra de creyazión literaria en cualsequier chenero (narrativa, poesía, teatro, asayo) escrita en luenga aragonesa en cualsequiera d’as suyas variedaz, asinas como a traduzión dende cualsequier atra luenga a l’aragonés.

O churau d’ista edizión, composato por o chefe de Servizio de Politica Lingüistica, Francho Beltrán Audera, o ganador de 2021, José Solana Dueso y as escritoras María José Subirá y Ana Giménez Betrán, actuando como secretario Carlos Costa Sorolla, ha dezidito, por unanimidat, atorgar o premio a lo poemario titulato ‘Cuan plegue o colapso’, que, ubierta a plica, resultó estar orichinal de Lucía López Marco. O churato ha avaluato una poesía contemporania que surte de lo más fundo, creyando un microcosmos poetico y transmitindo un mandato espontanio y potén de cariño por a luenga aragonesa.

Lucía López Marco

Zaragoza, 1988, reside actualmen en Navasa (Uesca). Estudeó Veterinaria en a Universidat de Zaragoza y en a Universidat Ludwig Maximilian de Munich. Tien un Master en agroecolochía, desembolique rural y agroturismo, y un Master en periodismo y comunicazión zientifica. En l’año 2015 creyó o blog https://mallata.com/, adedicau a o medio rural y en o que se pueden trobar amás diferens proyectos, como mapas d’iniziativas rurals, o podcast Sembrando Soberanía Alimentaria y a Revista Mallata. Ye coautora d’o Manifiesto Por un feminismo de chirmanas de tierra que se publica cada año con motivo d’o 8 de marzo en todas as luengas ibericas.

Ha publicau diferens relatos en aragonés: Recosiros y Suenios d’una boleta, que se recullen en o libro O despertar de l'onso (2010); María (2009) publicau en Relatos para Sallent, V y VII Concurso de Relatos Cortos para leer en tres minutos «Luis del Val»; Os zaguers mazelos (2010) que apareix en Relatos para Sallent, VII y VIII Concurso de Relatos Cortos para leer en tres minutos «Luis del Val» y Él m’eba matato antis (2013) publicau en Relatos para Sallent, IX y X Concurso de Relatos Cortos para leer en tres minutos «Luis del Val». Amás d’os poemas: Inquiesta incultura (2012) y L’idioma d’as flors (2012), publicaus en o diario dichital Arainfo, o fanzine poetico 25 (2013) y Fillo d’as estrelas (2014). Tamién ye autora d’o capítol titulau Mujeres rurales, mujeres visibles d’o libro Feminismos. Miradas desde la diversidad.

En 2014 ganó o XVII concurso de coplas en aragonés d’o Conzello de Zaragoza con Fillo d’as estrelas.

En 2021 ganó bels premios por o suyo blog: o Premio Félix d’Azara d’a Deputazión Provinzial de Uesca en a categoría de medios de comunizazión sozial; millor blog en a categoría Blogosfera Verde d’a XV edizión de los Premios 20 Blogs y un terzer premio en os IV Premios CREAR de Chovens Creadors Aragoneses.