Muixons

Muixons, a istoria de Javier Corellano Velázquez que da títol a iste álbum, ye a obra ganadora d'o Concurso Braulio Foz de cómic en aragonés, 2021. A obra destaca por a suya fluidez en a utilizazión d'o parlache d'o cómic, tanto en os suyos dialogos como en os suyos silenzios, por medio d'una capazidat narrativa espezialmén creativa por o que fa a o manullo d'as eszenas y enfoques.
Ista publicazión replega tamién as obras: Fendo istoria, de Ana Asión, Josema Carrasco y Ebardo Fernández; Perseveranzio, de Juanfer Briones y Juan Carlos Marco; A desgraziada existenzia de Jovita Amador, de Héctor Pisa, Juan Pablo Martínez, Alberto Lasheras y Joaquín Ruiz; Lo escuadrón chicorrón, de Gonzalo López Royo; A Broixa, de Luis Ramón Gallego, y Mullers, futbole igualdat, de José Ángel Cordón Vázquez y Noemi Cordón Alcaine.